أمريكا: فلوريدا .. تستحق الزيارة
بعد عنا وتعب ومشقة .. قررت اخذ لي اجازة ارتاح من صجة البحوث وصجة المشاريع والاختبارات اللي كانت متتالية على مدى شهرين اللي ضاغطتني وطلعت عيوني .. كان عندنا اجازة الربيع ومدتها اسبوع يعني 10 ايام مع ايام الويك اند وكانت صراحة فرصة ان الواحد يشم شوية هواء بعيد عن شكل الاوراق والدفاتر والاقلام وريحة الحبر وطريق الجامعه اللي يحسس الواحد بالغثيان.
قررت اني اطلع لولاية فلوريدا .. وكانت بالسيارة والمسافة طويلة جدا يعني مايقارب 5120 كليومتر ذهابا ايابا. كانت الانطلاقة تمر على 6 ولايات ابتداء من ولاية مشقن مرورا بولاية انديانا ومن ثم كنتاكي ومن ثم تينيسي ومن ثم جورجيا واخير فلوريدا وفي الخريطة التالية يبان خط الرحلة واللي كانت من الشمال الشرقي الى اقصى نقطة في الجنوب…
كانت الاجواء صراحة خيالية بداية من ميشقن ولاية الثلوج حيث كانت درجات الحرارة تلامس 20 درجة تحت الصفر .. الى فلوريدا ولاية الطقس الحار والتي تصل الى 40 درجة فوق الصفر. كانت اورلاندوا اول هدف للرحلة حيث تقع فيها اكبر مدينة العاب في العالم Disneyland و Unevirsal وكان فيها اكثر من مكان رائع لكن الخطة كانت يومين فقط يوم لديزني لاند ويوم اخر لليونيفيرسال.
اليوم الثالث كانت الوجهه الى شاطئ ميامي الغاية في الروعة .. كانت الخطة الجلوس يوم وثم الذهاب الى جزيرة West Largo واللي تبعد حوالي الساعة والنصف عن ميامي. كانت تقريبا مشابهه في الجمال لميامي وكان احلى مافيها الالعاب البحرية واجمل تجربة كانت الطيران بالبراشوت فوق البحر على ارتفاع 500 قدم عن سطح البحر واللي يعطي نظرة كاملة للجزيرة.
اليوم والخامس والسادس كانت اولى بالجلوس في ميامي والتسوق وتجربة المأكولات البحرية واللي كانت يوميه تقريبا في وجبتين الغداء والعشاء لاني صراحة مليت من اكل الدجاج والرز قلت نغير شوي عشان ماننتفخ وننتبه لصحتنا شوي.
كانت هاذي رحلتي الثانية الى فلوريدا وكانت رحلتي الاولى في عام 2006 لكنها تظل رائعه ومتجدده وانصحكم بزيارتها
Tweet| إقرا أيضاً المواضيع التالية: |
الحمد لله عالسلامة ،، ما دام الخطوط تفتح النفس وش علي نمشي 10 الاف كيلو
أجل تمسك خط 400 كيلو ما تلقى دورة مياه وإلا استراحة طريق تصلح للاوادم !!!
ويا بلادي واصلي ..
السلام عليكم يزيد
اهم شي انبسطتوا في الرحله
و فلوريدا ولايه جدا رائعه… وفعلا تستحق الزياره
شكرا اخوي يزيد على هذي المدونه …
واصل
اللللللللللله عليك يا يزيد الحقيقة انها اررروع ولايه مريت عليها في حياتي حتى الان وما اتوقع اني راح احصل اروع منها. والشي الأحلى من هذا كله هو مع من تسافر!! و الحقيقة ما خلى فلوريدا روووعه الا مخاواتك يا يزيد وباقي الشباب كلهم بدون استثناء.
انت يايزيد تقول ان فلوريدا تستحق الزياره…..وأنا اقول انك يايزيد تستحق المخاوات
شكرا…
بكل صراحه فلوريدا مو مثل حلاة كالفورنيا
كالفورنيا في نظري احلى من فلوريدا
محمد الشويعر // بصراحه كلامك صح لكن وش بيدنا نسوي أحنا ..
الله يعين ..
//
بصراحه تقرير أكثر من رائع ..
وأهنيهم على شوآرعم بصراحه .. ياليت اللي عندهم عندنا
لاهنت يالغلآ ..
تحيآتي
ما شاء الله الله يهنيك ويوفقكب الدراسه يارب..
لاكن تكفى إذا عندك خلفيه عن “جزر هاواي” ياليت ما تبخل علينا بها…