كبسة دجاج في الصميم

دونت في 8 مارس 2008 | تصنيف: شخصي, لقطات العدسة | 26,237 قراءة | ارسلها ارسلها | طباعة طباعة |

كبسة دجاج بالصور

بعد دروس الكبسات وخصوصا كبسة الربيان, للاسف فيه ربات بيوت جديدات على مهنة الزواج مايعرفون يسون كبسة دجاج .. ومن واقع خبره اغلبهم يعرفون يسوون حلا .. يعني اصابع تويكس يرشون عليها سمسم ويقولون نعرف نسوي حلا.

عموما ابعرض لكم يا العزابية ويا ربات البيوت اللي ماتعرفون تطبخون كبسة دجاج وشلون تطبخون الكبسة

اولا مقادير كبسة الدجاج هي كالتالي:

زيت – دجاج – رز – طماط – بصل – فلفل حار – مسمار (قرنفل) – هيل – ملح – ثوم

كبسة دجاج بالصور

الطريقة :

اول شي تقطعون البصل والثوم وتحمسونه في القدر مع الزيت .. بعد مايحمس يضاف الطماط وبعدها تضاف قطع الدجاج ويقلب على نار هادية لمدة 5 – 10 دقائق

يضاف ماء الى القدر ويكون اعلى من مستوى الدجاج بحوالي اصبعين الى ثلاث اصابع ويضاف عليه ملح حسب الرغبة وينطل معه فلفل حار و 4 حبات هيل و4 حبات مسمار وان حصل شوية بهارات وليمون اسود حسب الحاجة.

بعد غليان الماء .. احسب 30 – 40 دقيقه مدة طبخ الدجاج حسب الرغبة في مستوى الاستواء وبعدها ينشال الدجاج وينحط الزر .. ويفضل موازنة مستوى الماء بعد وضع الرز ويفضل انه يكون ارتفاعه بقدر اصبعين لا اكثر .. ويوضع على نار هادية لمدة نصف ساعه تقريبا الين يبتخر الماء تماما .. اذا لوحظ فيه ماء يفضل ازالة غطاء القدر حتى يتبخر الماء المتبقي.

قبل استواء الرز بـ 10 دقايق يوضع الدجاج في الفرن حتى يتحمر ويوضع فوق الرز على الصحن. ويفضل اضافة السلطة والليمون .. وهنا اكتملت كبسة الدجاج وبالهناء والشفاء.





أوسمة: , , , , , , ,

إقرا أيضاً المواضيع التالية:

التعليقات

16 تعليقات على موضوع “كبسة دجاج في الصميم”
  1. ابو ساهر قال:
    10 مارس 2008 عند 2:09 م

    هذا البوتغاز مو كانه حق الmidtown 100؟

    الله يرحم زمان كبسات او 3 ساعات ونص

  2. mohammad abuljadail قال:
    13 مارس 2008 عند 11:22 م

    wallah zaman 3ala kabsatk ya yazeed. mashllah madwontak momtaza jedan o feeha a5bar tayeba :) keep it up
    your friend mohammad abuljadail

  3. أبو محمد قال:
    5 أبريل 2008 عند 5:09 م

    أجل تعرف تسوي كبسة هاااا ……….. وأنت كنت متعبنا ايام العزبه مطاعم الريف والأصيل والبخاري …. الله يهديك بس خسرتنا كثير ……….

    مع تحياتي لك يالغالي وامنياتي لك بالتوفيق والنجاح.
    أخوك عمر مسملي – استراليا

  4. صاروخيه قال:
    19 أكتوبر 2008 عند 5:07 م

    ههههههههههههههه اهم شي انك يقالك مسوي حركه ومزين الكبسه بالخيار والجزر

    حسيت انك ناصب علينا و مصور لنا كبسه من اقرب محل بخاري خخخخخ

    تسلم على الطريقه ولا تزوجنا خذنا طريقتك وسويناها لرجالنا هع

  5. قطرة ندى قال:
    25 يناير 2009 عند 9:05 ص

    صراحه الكبسه مرررره طعمه مجرد اني طالعت فيها حسيت بالطعم

  6. جيجي قال:
    15 فبراير 2010 عند 3:34 م

    يا مال العافية

    والله شي حلو الغنات عن المطاعم حتى ف الغربة … والله كفوا

    من جد ترفع الراس يا استاذ يزيد .. والله يكثر من امثالك … وكلنا فخر فيكم …

  7. دنـاالشوووق قال:
    10 يونيو 2010 عند 7:59 ص

    وااااااااااي كبسه سعوديه 100%
    بالعافيه على قلبك
    نقول في تنافس مع المطاعم>>هههههه
    مدونه رااائعه ولي الشرف
    الانظمام فيهاآآآ
    طبعاآآ اول مشاركه لي
    مع هالكبيسه الحلوووه ..هع
    يعطيك الف عاافيه
    استاز يزيد..والى المزيد

  8. memo قال:
    7 ديسمبر 2010 عند 1:38 ص

    الله شكلها تشهوي مشكور

  9. ريم قال:
    27 يناير 2011 عند 8:46 م

    ههههههههههه حلوه توكس وسم سم……………….مادري من وين ملفقها

  10. عبير المالكي قال:
    1 فبراير 2011 عند 1:30 ص

    بصراحه الكبسه حلوه بس فيه شي مو عجبني يعني يبيلها حركات شوي شكل المسويتها مستعجله الله يعطيكم العافيه مشكورين

  11. صيته قال:
    13 فبراير 2011 عند 9:22 ص

    صراحتن مشكله الرجال مشكله .. ما همهم الا بطنهم ..

    يا حلاة الي تتزوج واحد ياكل اي سم تسوينه :D

    يعطيك العافيه خيـو على هالكبـسه … >> مافي سعابيل ع الكيبورد ابد طول الله عمرك :P

  12. نـــــوفه قال:
    9 يونيو 2011 عند 5:00 م

    شـــــــــــاطر والى الامام اكثر شي عجبني حركه الخيار*_^ يارب اتزوج واحد يعرف يطبخ ورومنسي بس اتوقع مو سعودي لانه مستحيل يكون رومنسي هع

  13. رنوووش قال:
    6 يوليو 2011 عند 1:52 م

    مرحــــــــــــــــبا
    توني مخلصة من الكبسه طلعت مررره حلوة
    وبالنسبة لاسلوبك في توصيلي الطريقة حلوة وبسيط

  14. برنسيسه قال:
    22 يوليو 2011 عند 2:12 ص

    تدري كيف طحت على مدونتك الجميله ^_^ من خلال الكبسه انا بكره ناويه اسوي كبسه وماعرف لها بالمره ولاعمري جربت اسويها او اشوف امي تسويها فقلت خليني ابحث بالنت وبحثت بالصور وشفت صورة كبستك واشتهيتها وقلت لامافي ابغى بكره اسوي زيها بالزبط وطريقه شرحك مررره سهله مشكوووووووووووور

  15. حلم أنسانه قال:
    9 سبتمبر 2011 عند 10:42 ص

    ياقدمك
    عاد كبسة دجاج ههههههههههه

    من العصر الحجري وهم يسوونها واتوقع اللي مايعرف لها ياانه غبي ياانه يستغبي

  16. حلم أنسانه قال:
    9 سبتمبر 2011 عند 10:45 ص

    ترى طريقتها كشني الدجاجه ثم صبي عليها موية ساخنه بعدها اكبسي الرز وكل وحده ونفسها بالطبخ وحده طبخها ماودك تقربه ووحده تقول ليتها تسكن عندنا هع

ما هو رأيك بخصوص هذة التدوينة؟


عبر عنه وناقش الموضوع مع الكاتب

Travel · Weight loss · Girl · Insurance · Car