وخلصت الإختبارات
يالله لك الحمد والشكر يارب .. وبعد عناء وهم ورفعة ضغط وكرف وسوسة و .. و .. و .. و .. خلصت الاختبارات. حمد لله على كل حال بعد الاحلام اللي كانت تجيني في النوم .. اشوف انظمة كمبيوترات و سيرفرات يتهاوشن .. اشوف الاسلاك غدن كنهم حبال مشنقه .. واسلاك الايثرنت (Eathernet) صارت كنها ثعابين. الغرفة عفسة .. والمكتب عفسة .. والوجه والشكل عفسة .. والملابس في كل محل …
بصراحة احس الشاعر اللي كاتب اغنية (حبر وورق) اللي مغنيها ابو شنب اقصد عبادي الجوهر اتوقع انه كاتبها في ايام اختبارات نهائية وكان مضغوط وماكل تبن .. لان فعلا حياتي صارت كلها حبر وورق في ايام الاختبارات.
الكابتيشنو رايح جاي واكبر حجم .. عشان تطول مدة التركيز قبل لاتنفرط السبحة وقبل لا الواحد ينسى وش قرا في اخر 10 صفحات .. فالكابتشينو اعتبره بمثابة مثبت مخ مثل مثبتات الشعر اللي يسوونه الحريم ان بغوا يروحون للزواجات .. صح انه مؤقت .. بس يفي بالغرض والحاجة
صراحة المخ مرات يحتاج اعادة تشغيل اكثر من مرة في ايام الاختبارات من كثر مايهنق .. وبعد الاختبارات يحتاج دفرنجمينتيشن (Defragmentation) عشان يوزع ويضغط البيانات اللي في المخ على مسارات معينه في تراك المخ (Mind Trak). مرات الفورمات مهوب شين .. بس ماله داعي الواحد يرجع من اولى ابتدائي.
خنبقات في بالي ومن فرحة الخلاص من الجحيم قلت لازم اعبر عن شي وابربس عليكم
ما اقول الا يالله التوفيق … والنجاح .. وطاعة الله .. وبر الوالدين ..
Tweet| إقرا أيضاً المواضيع التالية: |
الحمد لله ع السلامه ما قصرت كفيت ووفيت بيضت وجه بلادك
الله يبارك لك فيها وتقول وتطول يا ابو اليزيد
أوقات الامتحانات من أقسى الظروف التي يمر بها الانسان .. هل تصدق أخي أني مازلت أتعرض لكوابيس الامتحان رغم أني متخرج منذ بضعة اشهر
الحمد لله حمدا كثيرا طيبا مباركا فيه ملء السماوات وملء الارض وملء ما بينهما
ان شاء الله تحصل على الدرجات العليا في الدنيا والآخره
وربي يعيطك على قد نيتك يا بو زيد
وحنا بعد خلصنا ونشاطرك نفس الشعور…..بس بيني وبينك الفراغ بدا يلعب بي
مدري وش اسوي…
طلعت من الشررررررررررررررررررررررررررررررر
واخيرررررررررررررررررررررررررررررررررررررررا خلصتواااااااا
يله ننتظررررررررررررررررر جيتك
والله مشتاااااااااااااااااااقين لك يالغالي
بالتوفيق لنا .. اجمعين ..
ههههههههههههههه
حسيتك تقولها من قلب
تصدق انا يوم خلصت من ثالث ثانوي بغيت ابكي من الفرحه
وشلون انت !
ومثل ما انت ادمان كابتشينو انا ادمان نسكافيه و عصير برتقال فرش هع
العصير اول ما اصحى من النوم
والنسكافيه في نص مذاكرتي
ربنا يعينك ويسهل عليك يا رب
خخخخخخخخخخخخخخخخخخخخخخ
واضح ان هالكلام قبل العرس .. الحين ماعاد صارت حياتي حبر وورق ماشاء الله لا اله الا الله..
الله يوفقك وان شاء الله بتشوف حلاوته اذا تخرجت .. والمثل الانجليزي يقول
The roots of education are bitter, but the fruit is sweet
والعربي يقول
من سار على الدرب وصل (( الله يذكر بن دخيل بالخير .. دايما يقولها ويذكرني بايام الابتدائيه خخخخخخخخ))
هههههههههههههههههههههههههههههههههههههههههه
أحس اني اللي كاتبه هالكلام
اليوم خلصت اختبارات والموضوع جاا بوقته
بس أشوا اني مو مثلك يمه شكل دراستك رعب
بالتوفيق يارب
اعجبتني ابربس عليكم
الله يوفق و يوفق الجميع
بس يعني مجمع أكواب الكابتشينو ليش ؟؟
تذكر الماضي الأليم مثلاً
موفق للأبد