مصّعونا بالبحوث
قسم بالله ماصارت .. وش ذا ووجع ؟.. هبال هو ؟ والا وش السالفة ؟ والله مخي خلاص ماعاد بقى فيه الا مخيخات والباقي يخلف الله طار من كثر التفكير.
البحوث عند بعض الدكاتره مخدرات .. يمووت لو مايجيه بحث يقراه ويحفر يطلع المراجع ويستقعد لك في الاخطاء ويدور اي زلة عليك. هالامريكان ياحبهم للكرف والقراية ولو تعطيه خيار انك توديه جوله حول العالم والا تقول له ابحطك في مكتبة الكونغرس تقرى الين تموت .. قال لا .. ابي اقراء الين اموت. مايملون ؟ مايطفشون من كتابة البحوث وقرايتها ؟
تخيلوا يقرا بحوث الطلاب كل بحث 30 صفحة وكل مادة يدرسها عنده مايقل عن 30-40 طالب وعنده يا 3 او 4 مواد يدرسها.
ابحسب لكم حسبه بسيطة لكل دكتور كم يقرأ في الشهر من صفحة :
40 طالب * 4 شعب * 30 صفحة = 4300 صفحة
ياناس 4300 صفحة يقراها في شهر ويناقشك فيها زي سلام عليكم هذا غير الواجبات الاسبوعيه وغير البحوث الصغيره ام 5 صفحات.. لا والمشكلة تلقاه حافظ بحثك اكثر منك ويحاجك ليش كتبت كذا في صفحة 26 
طيب انا وهو انا اللي كاتبه مدري وش انا كاتب في الصفحة الاولى عشان اذكر وش انا كاتب في صفحة 26 والمشكلة الادهى والامر انه يبي تحليل شخصي .. واياني وياك تنسخ لو سطر واحد من اي مصدر بحث او من اي موقع بدون ما تكتب المرجع وبدون ماتغير الكلمات .. يعني اكتب بكلماتك الخاصة .. مهوب كوبي بيست (نسخ لصق) زي مايصير في جامعاتنا السعودية الموقره وطلابنا المغلوب على امرهم.
تدرون وش القهر ؟ القهر ليش هم يحبون القراية وحنا لا ؟ وشلون صاروا كلهم يحبون يقرون وحنا نحب نحش في خلق الله ونقضي وقت فراغنا دوران في شارع التحلية والا في الكوفي شوب والا القهاوي نناظر هالمسلسلات التركية ؟
حتى دكاترنا صفقوني ومحطوني بعجراء كان واحد من دكاترتنا في الجامعات السعودية المرموقه يقراء بحث واحد من الطلاب او يدري وش في وسطه. حتى مايناقشك فيه وفي الاخير تصير ماخذ C واحمد ربك وحب يدك وجه وقفى انه مارسبك.
ليس مدرسينا في الابتدائي ماخلونا نحب القراية ونقراء القصص بدال مايكرهونا في حفظ النصوص .. من طقة (ابي اشترى لي ناقة ) والا ( نحن ابطال المطافي) .. طيب عطونا شي نقراه عشان نتحمس في القراية ونبدع فيها بدال هالخرابيط اللي جالسين نحفظها
الله يخلف بس علينا وعلى من حط الخطط الدراسية للتعليم
المهم انا برب ابروح اكمل بحثي اللي طلع في راسي الشيب وادعوا لي 
| إقرا أيضاً المواضيع التالية: |
مراحب يزيد..يسعد صباحك..}
مره تحمست مع كلامك بخصوص القراءة..وصادق بكل كلمه..}
إحمد ربي انه بابا رباني على حب القراءة..ع الاقل انا احسن من غيري..لو تشوف ناس تسألهم عن شي معين ماعندهم
خلفيه..والسبب مايفكرون يفتحون كتاب او ع الاقل جريده اللي موجوده بكل بيت..}
وربي يوفقك..مره قطعت قلبي ..احس طول الوقت عايش حاولين الكتب والبحوث ..}
لي رجعه لزيارتك..وتصفح بيتك الصغير..}
موفق..}
في آخر بحث علمي وجد العلماء أن معدل العرب في القراءة هي ربع صفحة أو اقل يومياً. في حين قد تتجاوز إلى المئات يومياً عند الأوروبين و الأجانب عموماً
المشكلة هي مو في الكتاب اللي رح تقراه المشكلة تكمن أنه في قصص لو تقراها من هنا لبكرة ما رح تستفيد منها في شئ
المفروض الطالب يحبب إلى الكتب العلمية عن طريق اللابات و الدروس و الأسئلة التفكيرية مو انك تحفظ و تسمع أو تكتب اللي حافظه و انت ما تدري اش السالفة
و ثاني شئ لا يغيب عنك انه في السعودية لو قريت مليون صفحة يومياً يجيك واحد ما عنده في راسه شئ يتفلسف عليك و يقول لأ انت غلط. تقله يا بن الناس قريتها في الكتاب يقولك خذها من مجرب و لا تاخذها من خبير
العلم وصل إلى أقصى درجات المعرفة و احنا إلا الحين لا نعرف كيف صنع قلم الرصاص أو البلاستيك
و سلام
يمآآآآآآآآآآ :S
الصوره احسها معبره مره :S
وبالنسبه للقرايه
ما احس المدارس لها دخل
هذي ميول وكل شخص يختلف ميوله عن الثاني
ومستحيل تشوف شعب كامل ميوله نفس الشي :‘)
الا اليابانيين ذول ميولهم اكل الكتب ول عليهم هع
ما اقول الا الله يعينك ويوفقك وترجع لأهلك سالمن غانم بالشهاده الي ترفع الراس
خخخخخخخخخخخخخخخخخخخخخخخخخخخخخخ مزدين فيك ..
الله يرجك .. كلامك جميل جدا وهادف .. الا يابو عبدالعزيز والله ودنا نشوف صحفيين يكتبون مثلك.. لان بصراحه اهنيك على الاسلوب الفكاهي الهادف ..
الى الامام ،،
على فكره فيه مشكله فنيه في الموقع او انها عندي مدري.. وانا الحين جالس ارد عليك كل بدايه اسطر اكتب فيه اول ثلاث حروف تختفي وماقدر اشوفها .. الظاهر يبيلك تعربه ونظامي انجليزي
..
تحياتي الغاليه ،، والله هالموقع مهوب منك .. من هالديره الي انت فيها .. بس مصيبه جابت فائده .. شيء طيب .. شكلنا بنقول من ذا البرد وازود علشان يطلع ابداع اكثر خخخخخ..
ياوراى ماترسلنا نسخه على الايميل مثل هالمواضيع علشان نتابع اول باول ولا يفوتنا شيء ؟ مجرد اقتراح..
ههههههه
الله لا يعيدها من أيام
الله يعينك ياخي والله قلق …. لاتذكرني
بس هانت وانا أخوك
ما بقى الا القليل
من كلامك احس انك درست بكل الجامعات السعوديه ودرسوك كل الدكااتره اللي عندنا .. وكلهم ما جازوا لسموك الكريم ..!!!
واحس انك تعرف كل سكان المملكه وانهم كلهم ما يقرون.. ما ودي اقولك ان الوالد عنده خمس لغات لأنك ما اتوقع راح تصدقني
ترا خبرك قديم الدنيا تغيرت .. يمكن انك اول مره تذوق الكرف تعال عندنا بجامعتي ..صرت اذا ما عندي هوم ورك او بروجيك او اكزام يومياصيح عند امي اقول ابي اختبار ..حششنا من الكرف وكرهنا العطل .. على العموم هذا الشي تعودنا عليه وتمولست جلودنا من الجد والاجتهاد
بالتوفيق
اواوف اوف !
d يعني بحث وحفظ البحث وحفظ الصفحات لاحول ولاقوة الابالله ؟!.
طيب عندنا في المملكة 7 صفحات ومحذوف نصها ويالله نحفظها ،،
كنت افكر ادرس في (الخارج) بس بعد هذا الخبر اجلس عند اميمتي مرفوع الراس افضل .
i wish you all the success in your studt
as you said there is somthing wrong in our society as people consider the person who reads all the time not a normal one
may be this because orf the easy and extravagance life which we live making people shallow and silly
مـرحبا يزيد
في البدايه أحب أشكرك على موضوعك ..
وعلى أسلوبك الممتع كثير في كتابة مقالاتك ..
نجي للمهم ..,’
سبحـان الله تـوي جـالسه اطلع بحث من الأنترنت لماده من موادي
أحــيانا يجيك أحساس أن ودك تنتج بحث من ذكائك العلمي كونك طالب جامعي
بس لو تفكر 5 ثواني بحال بحثك المسكين بعد ماتسلمه للدكتور أو الدكتوره
طبعا راح يكون مصيره >> ( كرتون تجميع الأبحاث )
بعدهـا أكيد أقرب موقع علمي < أهون شوي من منتدى
وأحــلى كــوبي للموضوع ..
أهم شي عند دكاترتنا الأفاضل
الفهــرس < مدري لو أني أبسوي كتاب ابو 200 صفحه
والمراجع يقــال انها بتدور ورانا في مراجعنا وتتأكد من صحة النقل < يعني عارفه أن الدعوه كوبي X كوبي
وأسمها بأول الصفحه : -D
dيعني امممم بصراحه أحس وضعكم أحلى من وضعنا لأن بالنهايه أنت جالس تنتج شي بنفسك
أكيد تعت ويبغالك 3 حبات بندول أكسترا مع تركش كوفي علشان يكون بحثك تمام
بس في الأخير .. الفايده راح ترجع لك أنت ..,’ لأنك بحثت وشتغلت وبالأخير أنتجت
عــذرا على الأطاله في الرد عالموضوع ..
تحــياتي
ه السلام عليكم
يا اخوي بعض الشعب السعودي ماقول كلهم ونا اولهم
الساعه 6 ص يقوم يفطر وعلى طول دووام لين 12 او 1 الظهر
بعدين احلى كبسه ولبن اوفف ياشيخخ تدووخ ونوومه لين العصر
يقوم المغرب يقضي للبيت وبعدهاا سمره وي الشبااب بلوت او كنكان
ياشباب ابسالكم كيف يلقاله وقت يقراء فيه انا من النوع لاشفت كتاب
كني شايف جني والله ادري ان القرايه تحرك المخ والله لو اقر مليون
صفحه مب يتحرك مخي كذا عودونا شيابنا بطقاق تلقاه يقرا جريده بس
تحياتي .
أنا أتابعك يا أستاذ يزيد – عقبال ما نقول يا بروفيسور – وفعلا ً الدكاترة اتعبونا بالبحوث ، أنا مثلك في جامعة الإمام بس والبحوث عندنا ع الرايح والجاي .
وش رايك نفتح موقع مكتبة بحوثات ونشرف عليه ؟ .
بعدين وينك معد تحط طبخات ، ترانا في الغربة في السعودية نتابع طبخاتك باستمرار ، حتى زوجتي قالت يا حظ زوجته ان كانه متزوج بيريحها من الطبخ بس المشكلة عندك المقادير ضاربه شوط ، كل شيء حسب الرغبة .
السلام عليم
شكرا للرد جميعا ..
انتي فايروس والله مشروع ممتاز .. والا وش رايك نسوي بحوث ونبيعها
يمكن يصير الدخل اكبر والشغل اقل لانك ممكن تبيع البحث اكثر من مره 
تحياتي لمرورك ومتابعتك لي
صدقني انت المستفيد في النهاية من البحث و المناقئشه و ياليت دكاترتنا زي كذا على الاقل كان الطلاب يدرون باهمية القراءه و البحث و انه هو الشي اللي خلا العالم يسبقنا .
تقبل مروري
عبدالمالك
على طاري النسخ واللصق حبيت اضيف ان يوم انا اول ثانوي
كان علينا تعبير عن المناظره
المهم قالت الابلا بنفس اليوووم الاسبوع القادم كل البنات جايباته
بعد اسبووعين دخلت علينا
وقالت مو معقوله 4 فصول وكل فصل فيه فوق العشررين طالبه
وجايبات نفس التعبير
<<باحثاات من النت
تقول ان اول تعبير اصححه اعجبني الاسلوب والترتيب والتنسيق وعطيتها الفل مارك
ثاني تعبير نفس الشي ثالث رابع ووسبعين طالبه نفس التعبيرررر
ههههههههههههههههههههههههههههههههههههههه
بس عجبتني حركة البندوول
دآخله هنآ بالغلط P=
BRB
السلام عليكم
أعجبني كثير اسلوبك استاذ يزيد
ورأيي الشخصي
انك محظوظ بدراسة مفيده مثل هذي
وعقبالي ان شاء الله..
بالتوفيق استاذ