علم المملكة العربية السعودية
والله غريبة !! الحين ليش مايحطون علم المملكة العربية السعودية في كل قرنه في السعودية ؟
الحين انا اشوف الدول اللي رحت لها رازين اعلامهم في كل محل .. حتى لو تبي تشتري موية لقيت العلم مرسوم عليها !
هل عندهم وطنيه وحنا لا ؟
هل هم يحبون ديرتهم وحنا لا ؟
هل ديرتهم احسن من ديرتنا ؟
اشوف اعلام الدول رازينها فوق كل مبنى حكومي او رسمي وتلقاه اكبر من المبنى وتشوفه على بعد 20 كيلو واشوف حتى بعض البيوت معلقه العلم.
ليش دولتنا ماتقوم توزع الاعلام السعودية مجانا على الشعب عشان يحسون بوطنيتهم اكثر وتكون بمقاسات مختلفة .. اللي يبي يحطها في بيته .. واللي يبي يحطها في سيارته واللي يبي يحطها في مكتبه .. الواحد يصير وين مايروح يشوف علم ديرته ويحس بانتماء شوي
لو تجيبون واحد اجبني وترسلونه للرياض وتدورون به في كل شوارعها يوم كامل وتسألونها : تدري وين حنا في اي ديره ؟ والله مايعرف ولو تدورون به اسبوعين كاملات ليل ونهار ماعرف وينهوا فيه .. والسبب ان مافيه شي رمز او علم يدل على الدولة اللي هو فيها.
من جد نحتاج نشوف علمنا الاخضر فوق كل مبنى وفوق كل محل وفوق كل مدرسه وفوق حتى محل الخباز والفوال ويكفي ان فيه كلمة التوحيد : لااله الا الله محمد رسول الله
ما اقول الا حمد الله اننا من دول العالم الثالث مانزلونا اكثر 
| إقرا أيضاً المواضيع التالية: |
حب الوطن بالقلب وانا اخوك ما عمره جا بالشعارات والاقمشه الملونه ..
دوك صدام ايام عزه ما تروح مكان الا وتلقى علم العراق مرتز بكل خفس و الاناشيد الوطنيه 24 ساعه على التلفزيون الرسمي ويوم سقط حكمه كلن قام ياطى تمثاله باقوى ما عنده تقل متراهنين منهو اول واحد بيكسره
يعني اذا وطنك ما حسسك بالانتماء و حسيت انك ابن الارض فعلاً و يعطيك مثل ماهو ياخذ منك ترى ولا مية علم وشعار بتيزيك عشان تحب ديرتك . (وجهة نظر) .
اول شي البلوق حقك رايق اخذت لي لفة فيه اعجبني والله يعنيك على بحوثك
احسك تكتب وانت معصب ههههههههههههههههههههههههههههههههه ياكافي ينزلونا اكثر عشانا ما حطينا العلم على بيوتنا وسياراتنا
اجل لو تشوف اللي يصير من تحت لتحت وش تقول؟
الوطنية عاطفة نعبر فيها عن ولائنا للبلد .. ومنظر العلم ويمكن بعد الاغاني الوطنية تحرك فينا هالعاطفة
بس برضو العلم مو كل شي و اذا رزيناه فوق بيوتنا معناها خلاص صرنا وطنين
وش فايدتنا من علم نشوفة يرف رف والواحد لين سالته بأي سنة تم توحيد المملكة قال ها ؟
الوطنية ما تكون الا اذا خدمنا بلدنا ووقفنا معه وخيرنا صار له مو لغيره .. وحافظنا على ثرواته .. واخلصنا بالعمل وأدينا الامانه المطلوبة منا .. وربينا عيالنا على حبة .. وافتخرنا فيه وفتاريخة .. وطبقنا قوانينه وانظمته ..
وكثار اللي اذا سافروا تبروا من كلمة سعودي واذا كان معهم جنسية ثانية هذي سالفة ثانية الجواز يدخل بالشنطة لحد رجعته بالسلامة للسعودية و الجواز الثاني هذا وقت وين الانتماء والافتخار ببلدك ؟ اخر علمهم فيه يوم طلعتهم من الديرة
ما نقول الا الله يخلف
واسفة ردي كتبته على عجالة
موفق يارب
و الله يا يزيد صادق و المفروض كمان يحطوا اماكن زي تشيتا عشان نحط فيه أعلامنا p: الوطنية مو معناتها انك تحط علم في كل مكان علم و المشكلة العلم فيه كلمة ” لا إله إلا الله محمد رسول الله” فهنا مشكلة يمكن يتقطع ولا يصير شئ تكسب ذنب عليه
و اي استفسار راسلني
في أمان الله
مع السلامة
والله انا اشوف يا اخوي العزيز ,,
ان الوطنيه ما عمرها كانت بالعلم وهالامور
صدق ان هذا شي نتمناه ان حنا نشوف علم دولتنا بكل مكان وبكل وقت
بس احس الوطنيه وما الوطنيه مالها خص
وانا بالعكس اشوف ان علم دولتنا بكل مكان بالفنادق و بالابراج الي موجوده بالمملكه وبالمطاعم احياناً وحتى البقالات الصغيره
وحتى لا رحت دوله من دول العرب اشوف علمنا موجود بكل مكان
وخاصتً مصر
الســـلام عليكم ,,
اخي يزيد ,, موضوع مهم ,,
ولكن انا “واعوذ بالله من هذه الكلمة” اختلف معك كلياً .. في هذا الموضوع …
نعم ,,, انا معاك ان منظر العلم في كل مكان منظر روعه وحضاري ,, واذكر اخر مره كنت في دبي كانوا حاطين صورة الشيخ زايد “عليه رحمه الله” على مبني الاذاعه , الغريب في الصورة , ان المبنى كامل مغطى ,, ولا واضح الا الباب …. ؟؟؟
في النمسا , سالسبورغ المجلس البلدي , كامل المبني مغطى بالعلم النمساوي .. منظر جنااااااااان …
ولكن في المملكة العربية السعودية .. يجب ان ننتبه لنقطه مهمه …
وهي “”خصوصيه”" .. العلم السعودي … خطين تحت خصوصيه ..
استاذي الكريم …علمنا يحمل .. : الشهادتين , لفظ الجلاله , اسم الرسول ….
ولا يخى عليك ماتتعرض له الاعلام , من ابتذال , و إهانه .. او قل عدم احترام … !!
لنفرض ان العلم كان على احدى المباني ,,, وبسبب الامطار , “اليوم الرياض سيول
” طار جزء من العلم .. الن يتعرض للإهانه ؟؟ او لنقل بفعل الرياح سقط العلم …
ولكن الحل , في وجهه نظري هو في وضع صور الملك , او وضع شعار الدوله “السيفين والنخله” فهي و إن سقطت او تمزقت , لن تشكل حرجاً دينياً …
وانا اجزم ان الناس سوف يتسابقون لرفع الصور او الشعار ..
شكراً … على الموضوع ,, واسفه على الاطاله ,, ولكن الموضوع جميــــــــــــــــــل
اختك بنت السعودي
والله يابو عبدالعزيز ياليتني اشوف اعلام ولا اشوف صورهم في كل مكان.. عموما يابو عبدالعزيز ياليتها وقفت على اعلام خلنا بس ساكتين .. وش اخبارك
.. بس السعوديين هنا في امريكا كل واحد يمشي بعلمه .. ذكرتني بواحد من الشباب في كاس العالم وكنا نشوفه في كافتيريا جورجيا تك وكان العلم مرفوع يرفرف بس عقب الاربعه الي جت علينا صار في الارض خخخخخخخ .. يازينهم بس بدون اعلام
مــرحبا ..,’
عندي تعليق بسيط ..
بصراحه أنا ما احس بوطنية الشعب السعودي
)
وخصوصا شباب الوطن
إلا في وضعيتين …
اليوم الوطني وجزاهم الله خير ( طبعا خلال هاليوم كل شي عندك أخضر بالدنيا راح تلبسه وتزين فيه سيارتك وأي مكان يخطر على بالك .. طبعا تصير أزمة أعلام في المحلات لما تجي تشتري علم لأن الكل مسوي عملية هجوم على المنتوجات الوطنيه ..و في النهايه علشان الكشخه والأستعراض والمسيرات والرقص في الشوارع
والوضع الثاني ..
بعد مباريات المنتخب .. وفوز منتخبنا الوطني على أحد الدول الشقيقه
وفي الأخير ..
عــاش الملك للعلم والوطن
تحــياتي
احترم وجهت نظرك لكن …..
شعارنا يحتوي على كلمة لا اله الا الله محمد رسول الله
لو صارت في كل شي راح تشوفها في اماكن مادوك تشوفها فيه
والحب بالقلب والايمان داخله
والمؤمن لما بيثبت انه مؤمن يقو بالعمل مثل الصدقة وغيرها من الاعمال التي تقرب من الله
والدلالة على الحب هي بالعمل والعطاء ماهي بالمظاهر والشعارات المزيفه
شكراً
الاخت بسمة ..
انا اتكلم عن زيادة معيار الوطنية والانتماء ولا اتكلم عن الدين
اتمنى ان حنا مانخلط بين الاثنين
تحياتي
السلام عليكم ورحمة الله وبركاته
يااخي حنى يا الشعب السعودي يالله نفرح
ياخي مالنا الا هاذي الفرحتين و العياد بس
غير كذا كل واحد بيت امه اما باقي الدول يفرحون فكل شي
الا حنى مدري ليه دايمن مكتومين ولا طلعنا برى شفنا العالم تحتفل
اما حنى مساكين لا كن مافيه مشكل صديق نحضر طبه
طبه يعني تفحيط بس خخخخخخخ شوكرياا
والله السعودية حبها حب اهلها بعروقنا اخوي
انا معك ان الارتباط بالاشياء الرمزية مثل الاعلام والمناسبات اساسي في الانتماء
لكن مثل ماقلت عالم ثالث واشوى اننا عالم ثالث
بنات السعودية
السلام عليكم……….اخوي كلامك كلو صحيح
يكفينا المشاكل الي في السياسة عندنا بهالوطن
حتى الي ماله اصل في الوطن اضتهدوهـ
والسبب مافيه وطنيه…..وماتعرف منهو المواطن
ومن هو السائح……..الله يعيــــــــــــــــــــــــــــ!ــــننا
أنآ اشوف انهآ مجرد فكره ,, وما طرت على بال أحد عشان كذآ ما تلآقيهآ متوفره ببلدنآ ,, للأسف محد فكر فيهآ ,, ويمكن حتى لو فكرو فيهآ ,, ما يطبقونهآ ,, ما تعرف أش أنوآع تفكيرهم ,, وأش طريقتهم ,, ولكل وآحد مشآكله ,, وضروفه ,, وهذي ليس بحذ ذاتهآ مشكلة ,, وأنمآ الحب بالقلوب ,, اخي ,, ضروري أن نظهره ,, ولكن من الصعب ان نظهره دائمآ ,,
تقبل تعليقي ,, ورئي الشخصي .. ومروري أيضآ ,, 