عيدكم مبارك وكل عام وانتم بخير

تقبل الله طاعاتكم وقيامكم وصيامكم وكتبه في موازين اعمالكم وكل عام وانتم بخير

يزيد

وداعا أيها الأسود : وأهلا أيها الأبيض

تم وبحمد الله وفضله الانتهاء من تحديث نسخة المدونة الى آخر نسخة اصدرت وكذلك تم الانتقال في التصميم من الألوان الداكنة الى الألوان الفاتحة وكما قيل فان الابيض هو سيد الالوان وأعتقد انه اللون الافضل للعين عند القراءة. عيونكم زوار هذة المدونة مهمة جدا بالنسبة لي فعن طريقها عرفتموني فكيف لا اهتم بها, لعلها تعرفني أكثر وتتعمق في معرفتي ومتابعتي عبر هذه المدونة. الامر المهم والجديد انه تمت اضافة خدمة الاشتراك في بريد الموقع لاستقبال رسالة واحدة اسبوعيا عن جديد الموقع ويمكن ذلك عن طريق ادخال بريدك الالكتروني في القائمة اليسرى تحت اسم ( @ جديد المدونة ).

لا اود الاطالة …

اترك لكم التعليق لكتابة الاقتراحات لهذه المدونة والاحتياجات اللازمة لها وكذلك اتقبل التبريكات ..

فكلي آذان صاغية لكم

اخوكم يزيد

مصّعونا بالبحوث

قسم بالله ماصارت .. وش ذا ووجع ؟.. هبال هو ؟ والا وش السالفة ؟  والله مخي خلاص ماعاد بقى فيه الا مخيخات والباقي يخلف الله طار من كثر التفكير.

البحوث عند بعض الدكاتره مخدرات .. يمووت لو مايجيه بحث يقراه ويحفر يطلع المراجع ويستقعد لك في الاخطاء ويدور اي زلة عليك. هالامريكان ياحبهم للكرف والقراية ولو تعطيه خيار انك توديه جوله حول العالم والا تقول له ابحطك في مكتبة الكونغرس تقرى الين تموت .. قال لا .. ابي اقراء الين اموت. مايملون ؟ مايطفشون من كتابة البحوث وقرايتها ؟ ..[ تكملة التدوينة ]

وخلصت الإختبارات

يالله لك الحمد والشكر يارب  .. وبعد عناء وهم ورفعة ضغط وكرف وسوسة  و ..  و ..  و ..  و ..  خلصت الاختبارات. حمد لله على كل حال بعد الاحلام اللي كانت تجيني في النوم .. اشوف انظمة كمبيوترات و سيرفرات يتهاوشن .. اشوف الاسلاك غدن كنهم حبال مشنقه .. واسلاك الايثرنت (Eathernet) صارت كنها ثعابين. الغرفة عفسة .. والمكتب عفسة .. والوجه والشكل عفسة .. والملابس في كل محل  … ..[ تكملة التدوينة ]

كبسة ربيان ولا أحلى

بعد نجاح تدوينة كبسة دجاج , اليوم جايب لكم وصفة كبسة ربيان من باب التجارب وكثرتها ..  في النهاية ضبطت الامور وصرت دايم اسويها واول مره سويتها قبل سنتين ويوم سويتها اخر مره قلت اثقف شوي شباب وبنات هالجيل يمكن الله يفتح (عليهن) ويصيرن يعرفن يطبخن ويقومن بواجباتهن المنزلية بدال المطاعم والخنبقه.

مالنا بالطويلة خلونا نحضر لكم المكونات لاعداد كبسة ربيان: ..[ تكملة التدوينة ]

كبسة دجاج في الصميم

بعد دروس الكبسات وخصوصا كبسة الربيان, للاسف فيه ربات بيوت جديدات على مهنة الزواج مايعرفون يسون كبسة دجاج .. ومن واقع خبره اغلبهم يعرفون يسوون حلا .. يعني اصابع تويكس يرشون عليها سمسم ويقولون نعرف نسوي حلا.

عموما ابعرض لكم يا العزابية ويا ربات البيوت اللي ماتعرفون تطبخون كبسة دجاج وشلون تطبخون الكبسة

اولا مقادير كبسة الدجاج هي كالتالي:

زيت – دجاج – رز – طماط – بصل – فلفل حار – مسمار (قرنفل) – هيل – ملح – ثوم

..[ تكملة التدوينة ]

برد بمعنى الكلمة

يازين الدفا .. وياشين البرد .. هالمقولة اعيدها اكثر من 3000 مرة في الاسبوع .. كل ماطلعت برى الشقة وشفت منظر الثلج. الترموستات اللي في الجهاز الحسي عندي ماخذه اجازه من فتره طويلة .. بمجرد الخروج خارج ارض الشقة يُفقد الاحساس تماما .. الى درجة اني احس اني طالع بدون خشم بس استوعب اني اتنفس بعد فترة بسيطة وادرك انه مازال عندي خشم ومابعد فقدته لاني احس انه من شدة البرد انكسر وتفتت.

عرفت البرد الصدقي يوم شفت درجة الحرارة تلامس 32 – تحت الصفر .. قلت في نفسي ياصبر سكان الاسكيمو .. وعرفت ان مايصبر على هالاماكن الا ذوو الجلود الحرشفية واللي منزوع منها كود الحس واكتشفت ان اسلاك الاحساس في المخ مفصولة عن الجهاز العصبي والتنفسي والا من يعيش بالله في هالوضع المزري ؟

..[ تكملة التدوينة ]

« الصفحة السابقة — الصفحة التالية »